救命！“窿窿鞋”会拉丝、“竹篮”打水好饱肚、龟苓膏真係配乌龟……广州呢啲奇奇怪怪嘅美食，你有冇食过？

五一假期嗰几日

大家应该食咗唔少靓嘢

可乐君喺广州搵到

几味奇特有趣嘅食物

唔知你食过未呢~

→“窿窿鞋”鸡蛋饼

我哋平时成日着、

落雨天都唔怕嘅窿窿鞋

你有冇谂过要攞嚟食呢

喺广州潮流圣地之一嘅江南西

有家“富贵食饭公司”

将窿窿鞋同鸡蛋仔结合

芝士味嘅“窿窿鞋”

新鲜出炉要即食

食落松软可口

每一啖仲有芝士拉丝

店内仲新推一款“碳水炸弹”

火箭龟龟包

大家可以顺便试下

绿色龟身上夹住两条肠仔

眼神呆萌

得意到令人唔舍得食

三层搭配都相当经典

上层係脆皮菠萝包

中间有鸡扒同肠仔

底层係松软面包

入口一整个大满足

→“竹篮”华夫饼

最近喺东山口好火嘅“FIVEMATE”

店铺装修同出品

让人一秒穿越东南亚

最受欢迎嘅当属

“斑斓竹篮华夫饼”

竹篮造型加上斑斓植物绿

个样就够晒吸引

食落有斑斓清香

同华夫饼嘅酥脆

表面撒咗糖霜

但唔会特别甜

绿色咁养眼

饮品就搭马黛茶“恐龙熔岩杯”

呢杯饮品都係店内嘅招牌

上层係香蕉味棉花糖

加上milo粉搅拌

可可味的茶香唔会太苦

双重顺滑口感

→龟苓膏真係有“龟”

喺广东美食里面

老婆饼里面冇老婆

煲仔饭冇细路仔

但龟苓膏里面真係有龟

喺天河的老字号“韵姐甜品”

龟苓膏上配咗只“乌龟”

可爱嘅乌龟趴喺碗上

DuangDuang够晒Q弹

造型够Q味道都有保证

“下火良药+顺滑炼奶

龟苓膏膏体嫩滑q弹

微甜中又带点回甘

夏日清凉解暑必备啦

以上几款可可爱爱嘅美食

唔知大家有冇心动咧

大家最近有冇发掘到

其他新奇好玩嘅食物

欢迎喺评论区话我哋知！

图片：黄译萱

编辑：饶   禧

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼