平時坐巴士經過天后都會見到一間叫6666火鍋的餐廳，門面好豪華，帶點神秘感。 前幾日週末終於同女女去食火鍋，十分滿意幾抵食，因為我哋用咗大眾點評上面嘅優惠，450元可以買500元代金劵。 餐廳環境闊落，佔地兩層，坐得幾舒服；而且店員嘅服務好貼心。💗👍 有多款醬料供應。 有兩款免費前菜，可以食住等鍋底。 🥕酸蘿蔔，🍅荔枝汁車厘茄，清新開胃。 🥘人蔘養生白湯鍋 鍋入邊有幾條花旗參，補而不燥，打完邊爐飲翻兩碗養生。👍 🥩優質本地手切牛半份 牛肉新鮮，肉質嫰滑，肥瘦適中。 🐟新鮮白鱔片 白鱔好新鮮，份量多。放落鍋底好快就熟，食落去鮮甜美味。 🥢四式手打墨丸 店家自家制造，落單後見到店員喺廚房打丸，保證新鮮，誠意之作。 有四款口味，蟹子，鮑魚，黑松露同香菜。最鍾意鮑魚口味，第一次食好有創意。 🥟巧手韭菜餃 粒粒飽滿，好大隻足料。韭菜爽脆香口，非常推介。 🥬娃娃菜 最後食下蔬菜健康啲，娃娃菜索咗人蔘湯特別香。 🍇巨峰提子微碳酸 🍋柑桔檸檬微碳酸 餐廳同道地飲品合作特飲，有氣飲品好fresh，唔算好甜，啱啱好。 總括食物夠新鮮，湯底養生又足料，服務態度好，食得開心，下次再同屋企人嚟。