王菲同谢霆锋同场！25年后合演定情歌sweet到爆，80+明星嘅豪华阵容，不愧为启德场馆“亚洲第一人”～

近日

谢霆锋时隔25年后

终于喺香港再度开show

此前就传出门票被炒到17万

但都难挡乐迷热情

开唱前

谢霆锋就晒出歌单

有《估计错误》《活着VIVA》等

涵盖佢多个时期代表作

可以话非常之豪华

演唱会上

谢霆锋含泪演唱

同王菲嘅定情曲《玉蝴蝶》

当网友仲话紧可惜王菲冇来时

第二场王菲就真系现身

一个喺台上唱

一个喺台下跳

两人隔空合演

网友直呼“太甜啦”

谢霆锋全程一套黑T牛仔裤

零换装、纯素颜

一个人唱足2.5个钟

带来一场视听盛宴

//////

演唱会现场有4.3万“锋迷”

同时“星含量”都超高

据网友统计

有成80多位艺人到场

杨受成带住“英皇”全员出动

容祖儿、阿Sa、关智斌、

欧阳震华等30+艺人

提前1个钟到咗会场

齐齐去支持“大师兄”

从佢哋发出视频中见到

阿Sa、容祖儿、

李幸倪、霍希汶等

听到超投入、疯狂跟唱

演唱会结束后

艺人都表示回味无穷

阿Sa更话揾翻之前搭大巴

齐齐去颁奖典礼嘅感觉

而被传係演唱会嘉宾嘅

陈奕迅

喺第二场现身观众席

当晚张家辉、陈伟霆

都低调现身撑场

王嘉尔作为唯一“嘉宾”

居然以全息投影嘅方式登台

两人隔空合唱《爱最大》

传递出保护地球嘅理念

两人在演唱会后

都发文互相感谢

早前被曝抢唔到票嘅狄波拉

都拖住老公同闺蜜

跑到内场支持仔仔

从相片见到拉姑笑容满脸

好开心兴奋

谢霆锋嘅妹妹谢婷婷

就冇去到现场

晒出同谢霆锋嘅童年合照

为哥哥加油

//////

呢场“2025进化演唱会”

嘅演出场地都非常有意义

因为谢霆锋係

首个喺启德体育园主场馆

开唱嘅华语歌手

作为启德场馆开show嘅

“亚洲第一人”

谢霆锋嘅舞台设计落足心思

有传花费两千万港币打造

谢霆锋更透露

舞台灯光就超过2800盏

演唱会现场

“天价舞台”终于登场

现场嘅效果非常震撼

网友大赞似足“科幻大片”

最令大家印象深刻嘅

当属14米嘅高空球体舞台

谢霆锋企上三层楼咁高嘅地方

飞到观众头顶唱歌

真嘅够嗮chok

唔止舞台多花臣

谢霆锋嘅麦架都大有来头

脊梁造型嘅麦架

原来係以“万里长城”作为灵感

同演唱歌曲《黄种人》十分合衬

睇霆锋嘅vlog介绍

麦架同启德体育馆门口

“龙之九子”雕塑

係同一个设计师设计嘅

演出结束后

佢将会将麦架拍卖

并拿去救助流浪猫狗

可以造出

咁高级又有意义嘅舞台

当然少不了工作团队的努力

演唱会后谢霆锋专门发文

对团队嘅付出表示感谢

对呢个细节满满嘅演唱会

歌迷纷纷表示心满意足

买一张演唱会门飞

既帮你搵返青春回忆

仲可以见到咁多艺人

唔少网友都觉得非常超值

你有冇去到现场睇show？

最like嘅係演唱会边一part呢？

资料来源：小红书、微博、剧照等网络信息综合整理

编辑：黄译萱

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》▼▼▼