“细细粒”版石矶出炉，丰腴不足美貌有余，由“公主”到“娘娘”见证身材变化

《哪吒2》已经火出天际

全球票房不断飙高

每日都有啲出其不意嘅话题

喺睇《哪吒》嘅时候

唔少观众都有留意到

圆润可爱嘅“石矶娘娘”

佢虽然定位係“顽石”

但天真善良、好得人中意

有网友睇完电影之后

觉得“石矶娘娘”面圆圆又大只

同“细细粒”陈嘉佳生得好似

仲强烈提议“细细粒”玩cos

嚟睇睇真实效果

正所谓“念念不忘，必有回响”

最近细细粒真係晒出pose

变装成“石矶娘娘”

大家都知道

“细细粒”瘦身咗一段时间

但佢面型依然圆润

骨架大大只、身材高大

同“石矶娘娘”嘅外形

确实有几分相似

再化上粉红桃花系眼妆

媚而不姣嘅眼线

本身就白白净净嘅佢

已经有咗古典美人嘅雏形

“石矶”标志性嘅葫芦形发髻

粉红、粉紫、粉玫配色嘅古装

再戴上红色发簪

十足十“石矶娘娘”本矶啦

石矶娘娘嘅人设係

活喺自己世界里

唔用别人嘅眼光嚟判定自己

同细细粒本人嘅性格

好似夹过band咁啱key

佢仲还原翻“石矶”嘅经典对白

“留得青山在，不怕冇柴烧”

除咗把声冇咁“夹”之外

完全係一比一还原角色状态

值得一提嘅係

“细细粒”将呢个石矶look

带到澳洲嚟cos

外国友人见到

都一直赞佢so cute

“细细粒”即刻炫耀

自己嘅造型係中国大火嘅

电影《哪吒》中的角色

为宣传中国电影努力营业

▓▓▓▓▓▓▓▓▓▓▓░░░░努力加载中……

网友大赞“细细粒”造型别致

谂起佢有好多古风cos嘅造型

最为经典嘅造型之一

就係cos玉真公主

当时“细细粒”仲係圆碌碌嘅

好啱复刻大唐盛世嘅丰腴美

偷食馅饼再静鸡鸡抹嘴仔

遮面偷笑等场景

古灵精怪又够cute

网友回放完都感叹

老祖宗流传落嚟嘅“逗号眉”

梨涡处嘅朱砂点

到依家睇返都唔违和

赞佢超适合呢个造型

“细细粒”仲试过cos玉兔

喺发髻上安上一对兔耳仔

嘟嘴食萝卜嘅样好可爱

当时佢圆圆嘅身材

上镜特别有亲和力

大家都赞佢古典美女

到瘦身有成效

“出山”同大家见面嘅时候

“细细粒”大胆咁拣咗

当年温碧霞扮演妲己服饰

天鹅颈、一字肩

努力show出自己瘦身成果

但就有网友评论话

佢瘦咗反而冇以前咁好睇

为咗等大家更直接咁

见到佢甩肉过百斤嘅成果

佢特别cos多一次玉兔look

再将时隔一年嘅

两条视频拼接埋一齐

同一个“细细粒”

旧玉兔造型嘅圆润

令新造型显得更靓女

对于“细细粒”嘅造型

网友次次都会有一番议论

肥啲靓定瘦啲靓

真係各花入各眼嘅

当然啦

身体健康、心情靓靓

先係最重要

由大唐公主到石矶娘娘

唔知大家觉得

边个look最啱细细粒咧

资料来源：微博、小红书、剧照等

网络信息综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆【小红书】Color班马

都可以买到《可乐生活》▼▼▼