葉蒨文GM泰國搵銀兼歎世界！孖王祖藍夫婦合作超開心 仲有米芝蓮美食落袋

葉蒨文（Sophie）同曾展望（GM）自從喺無綫戀綜《女神配對計劃》撻着之後，就變成超合拍嘅「搵銀CP」💪，接Job接到停唔到！日前二人仲聯同王祖藍、李亞男夫婦飛去泰國拍節目，體驗退休後可以試嘅各種項目，工作玩樂兩不誤～

Sophie接受訪問時就大晒行程：「今次去咗當地一間一站式養生度假村，仲喺有250年歷史嘅古屋入面學潛水，真係好特別✨！仲試咗一間由藥房改建嘅米芝蓮一星泰中Fusion餐廳，滋味十足呀～ 今次行程好趕，我对上一次去泰國都係10幾年前，好多嘢都變晒，希望遲啲有機會抽幾日假，專心再去行下玩下！」

講到同前輩王祖藍夫婦合作，Sophie都話好開心🥰：「我哋暫時拍咗香港同珠海兩站，今次泰國之旅，佢哋喺拍攝最後一日先到埗，雖然相處時間短，但佢哋好好人，好多嘢都好願意分享！我同GM都鍾意食嘢，佢哋推介咗好多香港好食嘅餐廳畀我哋，氣氛好快就好放鬆～ 臨走之前，祖藍仲請大家去港式餐廳食飯，食完我哋就直接上機返香港啦！」TVB