葉璇新劇雙破億 直言好作品畀我演900個鐘都得
憑《再生緣》《雲海玉弓緣》等經典劇集成為無數觀眾心中TVB「古裝女神」，更攬獲香港金像獎最佳女配角殊榮的葉璇，2026年開年就以全新身份帶來驚喜✨。她首次挑戰短劇領域，主演的《少夫人來自東北》上線後人氣爆燈，一口氣拿下紅果平台觀看量、熱度值雙破億的佳績，劇中她演繹了一位從溫柔怯懦到果敢清醒的豪門貴婦，反差演技備受好評。
談到首次接拍短劇的契機，葉璇接受内地传媒访问时坦言一開始睇到大綱時都有過猶豫：呢個性格柔弱的角色，同自己以往塑造的敢愛敢恨、有話直說的銀幕形象反差實在太大。但最終佢被劇本同團隊打動，決定接下呢次合作。「有潛力爆紅的劇，最基礎的共通點就係劇本好。如果劇本唔掂，唔單止導演，成個演員團隊都會陷入表達困境，大家現場搖頭嘆氣、度來度去，浪費時間，咁就唔好啦。」
入組細讀劇本後，葉璇更是完全被角色吸引：「呢個角色有好多成長同人格昇華的過程，人物好豐富。而家我越來越鍾意現實主義題材的故事，呢個故事真係好適合我。」訪問中，葉璇好少提及人物塑造的技巧，對於呢位資深演員來講，生動準確的演繹、甚至為角色做二度創作，都只係基本功。反而佢多次提到劇組的專業性，同拍攝過程中的舒適感——呢種舒適唔係物質上的滿足，而係精神上的愉悅🤝。
距離上一次入組拍攝已經過去兩年，今次再踏片場，葉璇意外搵返熟悉的感覺。「劇組每一位成員展現出的精神面貌，令我覺得返返去TVB嘅時代，呢個係俾我印象最深的。大家都神采奕奕，一心向住做出精良製作的方向去努力，好團結和睦。」佢直言，唔係話只有好團隊同好劇本先可以出爆款，但所有好作品的背後，一定有追求高質量的團隊，佢哋唔單止令創作事半功倍，更會令參與其中的人都搵返創作的熱情。
同年輕的創作團隊合作，亦令葉璇一直處於進步的狀態中。「唔係話我有資歷有作品，隨隨便便就可以成功，我哋要不斷努力學習同進步。」劇組好多工作人員都來自東北，拍攝期間葉璇仲學識唔少東北話，訪問中佢仲用東北話笑住分享，拍短劇「老爽了」，有個快樂的創作環境「老有意思了」。而呢啲趣事，亦令佢的表演更貼近角色，完美演繹出豪門貴婦如何在東北新抱的影響下，變得敢於表達自我。
值得一提的是，不少網友都猜測劇中葉璇身上的祖母綠翡翠、沉甸甸的金珠等富貴穿搭，都係佢自帶的珠寶入組，葉璇就親自澄清，呢啲全部都係劇組的道具，並非自己的私藏😆。
今次呢部短劇，葉璇的戲份總共只拍咗8日，期間只有2次熬夜拍攝，喺節奏飛快的短劇行業入面，都唔算趕。佢就話，唔瞓覺拍攝，質量都會跟住下降，所以團隊將時間排得好好，令大家既有得休息，又可以保持效率。聽到劇組其他演員講述高強度工作的經歷，葉璇仲會分享自己喺TVB拍劇的往事安慰佢哋：「我喺TVB拍劇最長試過一年，每日淨係瞓兩三個鐘，好多時直接瞓喺化妝間。」佢仲笑住建議年輕演員，「趁後生可以多啲努力，等你到咗我呢個年紀，就可以將戲份減一減。」就連導演都對葉璇的拍攝經歷大感驚訝，當時劇組一日拍五六頁紙劇本，導演問佢以前拍長劇一日拍幾多，葉璇就話「我喺TVB拍長劇，一日可以拍30頁紙」，令導演當場嚇親💛。
TVB帶俾葉璇的，唔單止超高效率的拍攝習慣，仲有同短劇高度契合的藝術表達方式。雖然係首次拍短劇，但葉璇就話，TVB劇集的敘事節奏同而家的短劇其實一模一樣：情緒直給、衝突密集、凸顯人物、弱化環境鋪墊，每一秒都聚焦角色同劇情。而呢種表演方式，對演員的台詞、眼神、微表情要求極高，亦正正係葉璇的強項。「其實我覺得未來劇集的發展方向都係咁樣，更優質更高效，多個機位一齊拍，演員唔使多個角度反覆拍，演繹都會更連貫。」
對於今次短劇的成功，葉璇將功勞全數歸於經理人的眼光同製作團隊的專業：「演員承擔咗幕前的榮耀，但真正的功勞，一定係製作公司。我哋做的只係錦上添花的二度創作，而一度創作，永遠都係導演同編劇。」
縱橫演藝圈多年，從長劇當家花旦到電影獎項得主，再到而家的爆款短劇演員，葉璇對唔同的藝術形式都有自己獨特的睇法。係佢睇來，好作品從來唔分長短，優秀的短劇，成個創作過程其實更似電影。「好作品唔係按時間長短分的，係按節奏、表達的中心思想、情感傳達的細膩度來分的。」
作為投資人，葉璇投資過的長劇製作方，而家都陸續轉向短劇行業，佢亦係呢個過程中對短劇有了初步認知，今次親自參與拍攝後，更是有了更深刻的體會。「短劇打破咗題材同高製作成本的門檻，令更多有才華的編劇、導演、演員，有更多機會表達自己，我覺得呢樣嘢好正。」而家短劇市場層出不窮的「霸總」「重生」題材，葉璇亦持樂觀態度：「呢個係物競天擇、適者生存的必然過程。好似香港影視早期的『七日鮮』，唔就等於而家的短劇嗎？但質量唔得的遲早都會被觀眾淘汰，而家短劇門檻低，大家都可以入來競爭，先會有真正的良性競爭，先會出更多好作品。」
談到而家大熱的AI短劇，葉璇就話，技術革新係不可逆轉的，演員應該與時俱進、擁抱科技🤖。從京劇到電影，從電視劇到短劇，每一次技術變革都會淘汰固步自封的人，留下勇於突破的人。「其實AI會令好的真人演員更有價值。AI的優勢係可以快速整合資料，但原創能力有限，人靈魂入面的嘢，佢而家根本冇辦法掌握——因為呢啲係人的真實經歷、對生活的體會，甚至就係一種氣場同感覺。」
講到未來的規劃，葉璇就明確表示，會回歸內容創作，將重心擺返喺表演上面。人到中年，佢放慢咗幕後製作的高強度投入，更享受做演員的純粹同快樂。「只要劇本優質、團隊專業，無論係短劇、長劇定係電影，我都願意嘗試。好的劇本，畀我拍900個鐘都得。」訪問最後，葉璇仲笑住表示，如果《少夫人來自東北》有續集，自己非常期待同原班團隊再次合作。
叶璇说拍短剧老爽了叶璇辟谣自带珠宝拍短剧
