上周周末

TVB58周年台庆隆重举行

超过300名员工参与盛会

准备咗精彩嘅节目

为其庆生

▓▓▓▓▓▓▓▓▓▓▓░░░░努力加载中……

虽然嗰两日气温骤降

但各位女明星喺行红地毯时

依然好落力晒身材

高叉、deepV、透视、露肩

礼服都十分清凉

男艺人就相对保守

着晒厚实西装

甚至衬埋高领打底

里面着得风骚真空嘅

外套都相对厚实

资深啲嘅男士

直接冷衫加呢子夹克

将保暖进行到底

行红地毡嘅女艺人争芳斗艳

但其实最好睇嘅係

真情侣孖住上

荧屏CP组队营业

靓仔靓女有英气、有美貌

sweet话题为盛典预热

晚会正式开始

就有一组演艺新星

用劲歌热舞为盛事暖场

接下来就有各个节目组

以唱跳、音乐剧等形式

展示节目嘅风采

大家都发现了

今年台庆嘅全部节目

都采用前辈带新人嘅方式排

“前辈”们粒粒都係巨星

最镇得住场面嘅

一定係穿到成朵花咁嘅

“阿姐”汪明荃

同90+依然活力四射嘅

“修哥”胡枫

特别係喺时装show环节

“阿姐”换上女王造型时装

气场强大，艳压全场

今年TVB音乐综艺好多

靓声新人涌现

往届“好声音”嘉宾评委

都以前辈身份带队

谭耀文C位唱跳

胡鸿钧钢琴伴奏

吴业坤吉他献技

谷娅溦、钟舒漫

都好有舞台风范

好戏之人就俾到更多惊喜

高海宁献声惊艳全场

“福禄寿”扮嘢玩人超有梗

最得意係靓靓Moon刘佩玥

索吻“古癫乐”不成

即刻改口要阿Bob

大家即刻联想到

“李静儿对徐富贵念念不忘”

“视帝”级人马更豁出去

谭俊彦全开麦唱陈奕迅嘅歌

张振朗兜头淋颜料表决心

完全冇偶像包袱

用自身行动鼓励年轻人

前辈咁俾面出场

新人们都好珍惜呢个舞台

尽力表现自己

有舞台就努力跳舞

俾支麦佢哋就大声唱歌

完全无惧“翻车”

直面观众嘅批评

大家好关心嘅係

早前预告会现身嘅“神秘嘉宾”

原来係一架识打功夫嘅

机器人“阿飞”

“阿飞”架势十足

西装骨骨打扮得相当绅士

但show quali嘅时候

就被曾志伟调侃

“咁大嘅场合居然唔着裤”

令全场艺人爆笑

//////////

TVB今年58周年“生日”

开咁大场show

肉眼可见特别多“金主爸爸”

难怪今年嘅抽奖礼品

价值之大相当惊人

20张海外旅游机票

12部分体冷气机

500支名贵酒

……

全部为得奖者独得

令到抽奖环节非常刺激

不过最后嘅抽现金环节

出街后争议就比较大啦

大家觉得游戏开始放波波嘅时候

主持人张弛豪就冇安排好

到后面第一轮胜负已出时

又无端端开新一round

令最后赛果逆转

事后曾志伟受访时解释翻

喺现金抽奖环节

主持人&工作人员

未及时同步游戏规则

所以先会令大家误会

观众都好明显睇到

张弛豪喺游戏过程中

表情迷惘一面“无知”

多次示意外场求协助

不过节目直播中

就只好将错就错

继续“演”落去啦

其实呢份奖金

最终分到得奖者手上并唔多

大家都係沾下好运气

相信无论边个攞奖都会好开心

靓show开售

潮物推荐

资料来源：微博、剧照、小红书等

网络平台信息综合

编辑：郭   玮

一审：曾敏妍

二审：董华海

三审：骆   苹

【小程序】票巴网

【微信服务号】中国邮政微邮局

【淘宝】羊晚生活馆

都可以买到《可乐生活》

▼▼▼