阿仙奴官方宣佈，從紐卡素引入28歲巴西中場基馬利斯，轉會費 7500 萬英鎊，簽約四年。

據報導 2022年1月阿仙奴曾經有機會引入基馬利斯，不過當時艾迪達否決呢單交易，而過去四年幾艾迪達對呢位中場嘅欣賞程度與日俱增，終於喺呢個夏天成功羅致。

基馬利斯接受訪問就表示，自己能夠傳波，跑動亦都多，可以好似鬥士一樣比賽，永不放棄，冷靜沉著，有時可以入到波，會盡力幫助球隊，希望令到呢度嘅每個人都感到高興。