警是個大佬丨羅子溢分飾兩角玩黑色幽默 與王敏奕有感情線.藝人羅子溢、林盛斌（Bob）、王敏奕、賴慰玲、傅嘉莉、張馳豪、容天佑等，近日在將軍澳電視城為無綫新劇《警是個大佬》出席拜神儀式。劇中羅子溢一人分飾兩角，遭飾演植物人的林盛斌靈魂附體，角色關係錯綜複雜——他與Bob的女兒王敏奕發展感情線，又與Bob的情人賴慰玲有身體接觸，充滿黑色幽默。

羅子溢一直渴望挑戰一人分飾兩角，但坦言難度甚高。一邊是暖男，另一邊則要演繹Bob的霸氣江湖大佬風格，需模仿對方的小動作，更有「神同步」畫面，同時還要為劇集操肌。他笑言：「自己好鍾意羅嘉良嘅《先生貴姓》，但今次就唔使扮女人，但我又好想扮女人，覺得自己扮女人都會幾靚。（靚過老婆楊茜堯？）惟有講好難，應該咁講，冇人可以靚過我老婆，我扮女人就可以喇。」

向來擅長搞笑演出的Bob，今次正經演繹霸氣又陰險的江湖大佬，劇中靈魂出竅，不時附身於羅子溢身上。他與賴慰玲有感情線，卻埋怨親密接觸都落在子溢身上，自己只能旁觀。

談到另一部劇集《枱底》原定新年後開拍，羅子溢表示：「差唔多，仲籌備緊。（疊住開兩劇？）疊又好、唔疊又好，依家有工開已經好開心，有得疊直情感覺好奢侈。（公司好重視你？）係呀，希望之前拍嘅《模仿人生》都可以出街，呢套對我嚟講都好大挑戰。」感情線方面，他笑言與王敏奕終於修成正果，不用再像《婚後事》中「偷情」，同時又與傅嘉莉有感情戲。王敏奕則說：「同佢係有火花，但又唔會拍拖，因為佢有時會係Bob，Bob係我阿爸，如果拍拖就怪怪哋咁，但係都有化學作用嘅。」

賴慰玲在劇集《非常檢控觀》播出後被封為「美腿擔當」，她笑言新劇同樣經常穿短裙，但自嘲沒有長腿。談到與羅子溢的親密戲，她笑說：「監製好益我，同Bob係情感交流，同子溢就係肉體交流，周旋喺三角關係。呢套戲好多情人，監製仲話會加少少『肉搏』戲畀我同張馳豪添。」她又透露每次想起與Bob的感情戲都會忍唔住笑，相信拍攝時最大挑戰是忍笑。TVB