79岁郑少秋罕报平安 解未露面原因.79歲「秋官」鄭少秋近年淡出幕前，生活低調，已經好耐冇公開露面。有網民好奇秋官咁耐唔見人，究竟係咩原因，會唔會同幾年前喪女一事有關。鄭少秋今日（24日）趁農曆生日，公開回應近況，同粉絲報平安。

近日適逢鄭少秋嘅農曆生日，一個名為「秋官藝術館鮮動網絡」嘅微博帳號發布咗一篇署名「秋哥」嘅感言，相信係秋官親自向關心佢嘅粉絲報平安。鄭少秋喺文中寫道：「有收到大家的祝福和關心，在這退休時間我生活節奏放慢，但還是有做些運動，做些自己喜歡的事。交際應酬我一向都不喜歡，所以你們較少見到我，不要擔心！這半年來世界和香港都發生不幸事件！希望大家生活開心，身體健康，世界和平！」