溫馨團拜！朱千雪偕 2Line 黨帶埋小朋友　高海寧單拖 C 位超搶鏡.藝人朱千雪（Tracy）尋日喺社交網站出咗幾張相，回顧上個月新年嘅精彩片段，仲留言話：「二月相片大放送，呢個月，我哋慶祝愛情、新年、健康、家人、朋友同工作。」

相中除咗有Tracy嘅工作相，同埋佢同老公、小朋友嘅合照之外，有一張大合照就引起唔少網民注目。相入面，Tracy同「2Line黨」成員蔣家旻、湯洛雯、岑杏賢一齊帶埋家人出席新年團拜，Tracy同岑杏賢更加帶住打咗格仔嘅小朋友一齊入鏡，氣氛溫馨又融洽。

不過成班人都係夫妻檔出動，最令人意外嘅係，C位竟然出現高海寧（高Ling），單拖現身嘅佢特別搶眼。但高Ling一啲都唔覺尷尬、亦都唔覺得孤單，全程笑咪咪對住鏡頭比V字手勢，狀態輕鬆又自在。TVB