《璀璨之城》珠海煞科宴　張曦雯高海寧扲荷包慰勞手足.藝人吳卓羲、張曦雯（Kelly）、高海寧（高Ling）、張智霖及陳瀅等主演的無綫劇集《璀璨之城》於澳門、珠海拍攝三個多月，當地拍攝剛剛完成，眾演員日前齊齊出席煞科宴，場面墟冚又熱鬧。據知今次由兩位女主角Kelly及高Ling夾錢請眾台前幕後工作人員吃飯，而卓羲及張智霖亦有派利是及出錢給大家抽獎，現場他們大玩遊戲，只見陳瀅拿着大啤牌high爆，個個飲到臉都紅晒，可謂皆大歡喜。Kelly接受東網訪問時坦言：「我哋喺珠海殺青，尋晚大家食咗煞科飯，不過返嚟香港都仲要開工，預計拍到月尾。（邊個請大家食飯？）呢餐就係我同高Ling一人一半嘅，除咗請食飯我哋都有攞錢出嚟抽獎，Chilam同卓羲、John哥（姜大衛）都有攞錢出嚟抽獎，氣氛好好，大家都好開心盡興。」問到之後是否可以休息放假時，她表示都要繼續忙：「好開心，因為《企業強人》會喺深圳衛視播放，所以我同陳豪、譚俊彥都要上去宣傳，而且之後《臥底嬌娃》都會推出，都要幫手宣傳，所以暫時都未可以唞住。」而卓羲受訪時坦言前晚已返港，已準備好開工，說到他有份出錢給大家抽獎，他謂：「都係小小心意，最緊要大家開心，台前幕後都好辛苦。」而他透露拍完此劇都要即飛往其他地方工作。TVB