【On.cc】俠醫︱劉佩玥做機心拜金女 為搶生意出賣肉體
由陳豪及張曦雯等主演的無綫新劇《俠醫》將於下周啟播，故事以中醫師傳奇故事為藍本，帶出「中藥油公司第二代掌舵人」陳豪如何在充滿家族鬥爭、唯利是圖及爾虞我詐計算的世界中，堅守濟世為懷信念，助人為樂，以達到「治病必求治本，救人必先救心」的宗旨。而劇中負責搞風搞雨的「奸角擔當」，則為丁子朗（丁丁）及劉佩玥（Moon）。
阿Moon在劇中飾演「機心拜金女」，乃張曦雯地產公司同事兼閨密，實質卻經常放暗箭，且為了錢不惜一切，更視自己的完美身形及女性美為生財工具，為了搶到生意不惜出賣肉體，當中最震撼三觀的情節，是她先後與「兩父子」鄭子誠及丁丁發生關係。
近日官方釋出了一條預告，只見身穿黑色貼身裙的Moon，不斷扭動腰肢及擺弄秀髮，加上迷離眼神，狀態誘人，她更「大腳趷起」騷招牌長腿。談到角色要周旋於不同男人之間，Moon竟搞笑以「享盡齊人之福」形容自己，並透露至少與6個男角色有親密關係，令她感到演繹時有難度：「首先佢係一個好識得去利用人心嘅女仔，對住唔同人會識得戴唔同嘅面具，去爭取對自己最大嘅利益，就算要犧牲色相都唔係一個問題。佢之所以變成咁，同佢嘅童年及成長有好大關係，一個壞人背後嘅故事，其實都可以好淒慘，可恨之人亦有可憐之處。」
至於丁丁今次一改形象演「殺人放火、姦淫擄掠」的超級奸仔，為了個人利益，就連「老竇」鄭子誠都冇情講。他坦言今次是「壞人之中的壞人」，更感激編劇「寫到咁多嘢畀我」，令人極度期待其戲中的發揮：「我今次參照咗好多TVB經典反派嘅演繹嚟做，對我嚟講係好大嘅挑戰同突破，可以話係考牌之作。」
劉佩玥做機心拜金女。
劉佩玥大晒事業線。
盡騷長腿！
劉佩玥經常放暗箭害閨密張曦雯。
真係好衰喎！
陳豪（中）堅守濟世為懷信念，助人為樂。
丁丁一改形象演「殺人放火、姦淫擄掠」的超級奸仔。
鄭子誠於劇中有同劉佩玥發生關係。
