【藝人】67歲李成昌有意定居內地 自揭為2個原因暫不北上發展
.
李成昌是TVB金牌綠葉，入行近50年，為TVB拍過無數經典劇集，演技與人品都相當出色，是值得觀眾和後生藝人尊敬的老前輩。雖然如今已經67歲，本應是退休之齡，不過熱愛演戲行業的李成昌仍活躍於幕前，希望為觀眾帶來更多好作品。
近年，李成昌進駐小紅書，熱愛行山郊遊的他，也不時拍片分享生活，與觀眾交流人生觀、價值觀。近日，李成昌再次邊行山邊拍片，大談對TVB藝人北上發展的看法，並指自己有意定居內地。
李成昌以「內地居住中山、佛山定肇慶好」為題拍片，他指身邊個個朋友、同事都搬返內地住，又聽講2000多元可以租三房兩廳，令他大為心動，他說：「真係心思思，如果到冇乜工開，到上面租返屋層，得閒就上去行吓山、食吓嘢都幾好喎！好，遲啲上去睇下有冇正嘢先，可能第時喺中山見到你」。
而在此片之前，他也有談及近年TVB藝人北上發展趨勢。他說：「最近有朋友問我，佢話，昌哥，點解你唔學你其他同事返內地發展，譬如話，拍劇、商演，或者係帶貨之類，咁我就同大家分析吓。」李成昌把北上發展的TVB同事分為三個年齡層，分別是20至30歲、40多及近乎退休或者已經退休人士，「第一個就係廿多三十歲，咁佢哋無限青春，有活力有幹勁，咁真係好應該返去發展嘅，大家睇到啦，我哋好多同事都返去闖咗一番事業。」他續說：「第二種呢，就係四十多歲嘅同事，佢哋積咗好多社會經驗，人生經驗、工作經驗，咁就真係好應該返去試吓自己嘅能力。」
李成昌認為自己屬於第三種，即是近乎退休或者已經退休人士。他說：「即係好似昌哥呢種，咁呢一種都要分兩種，譬如一種就係為興趣，覺得自己仲有能力，仲受歡迎，仲有得發展嘅，幾大都返去搵吓錢啦，啱唔啱啊！邊個嫌錢多。另一種就係，佢有自己嘅理想，有自己嘅夢想，又或者有自己想做嘅嘢，咁就唔返住喇，呢一種呢就係昌哥喇。」李成昌表示，自己入行差不多50年，他表示自己在工作以外，仍有很多夢想未完成。他說：「譬如話我哋中國嘅中好河山。昌哥真係唔係去過好多，所以趁依家半退休，我幾大都返去行吓睇吓，因為仲趁我行得走得，同埋我好想多啲對吓我啲朋友同家人，跟住就係行山啦，昌哥就好鍾意行山，好似依家咁成日行吓山幾開心。」
不過，他表明自己其實有意北上發展：「至於我返唔返呢？我返嘅，到我滿足晒或者做足晒，或者做到啦，唔一定滿足晒或者做足晒，即係我依家嘅想法，我嘅理想就話呢，到時我會返內地發展，希望到時大家，希望大家唔好嫌棄昌哥。」不少網民大讚李成昌的想法是「靈魂自由」，更有不少人力撐李成昌配得上一個「最佳男配角」獎。
李成昌曾表明，自己搏命開工，主因是要供女兒讀書。據了解，李成昌的女兒今年24歲，仍然在讀書。本來已踏入退休之齡的他曾在受訪時透露，現時仍繼續工作，原因是要供女兒讀書，當時他指女兒將要在英國攻讀兩個心理學碩士學位，笑言要做到74歲。
