放工唔想趕去買餸煮飯，輕鬆一點，行去公司附近的外賣店買返屋企。 鰂魚涌呢間純發，有少量堂食座位，外賣堂食都ok，店員態度不錯，食物新鮮即製，所以要等一陣。 🎀月見滷肉飯追加雞翼 $48+$10 好大碗，雞翼夠入味，滷肉好餸飯，正宗台式味道。 💝金不換打拋辣肉碎飯雞扒 $48+$12 幾惹味，少少辣夠開胃。 🍴轉套餐只需加15蚊，有飲品及小食，好抵食。 🥰小食： 鹽酥雞 有4粒，剛剛好，好香口。 秘汁燒賣好惹味，小食有3粒。 🧋🥤黑糖薑母茶，冰糖燉雪梨，熱辣辣岩曬冬天飲。