近日，内地男星丁真

喺综艺节目上

“收伏”咗两位香港“星二代”

谢霆锋和向佐

节目《寻真之地》开播

去到丁真嘅家乡四川甘孜

一边探寻当地嘅风光

一边打卡地道美食

讲到甘孜和丁真

大家就会谂起谢霆锋

当年佢哋喺美食节目

《百姓的味道》

就闹出咗好多笑话

时隔4年

谢霆锋同丁真故地重游

戴住四年前同款墨超

话要一雪前耻

两人一见面

谢霆锋先调侃丁真嘅普通话

“这几年你发的微信语音

终于可以被识别了”

更当面模仿丁真语气

嗌佢“谢霆哥”

之前

谢霆锋同丁真食饭嘅时候

主动倾计、想同丁真“破冰”

问到：藏族吃饭时有咩习俗

被丁真温柔“回怼”话：

“藏族人吃饭不可以说话”

呢次两人又坐埋一起食饭

谢霆锋等咗成餐饭

终于等到丁真开口

佢马上讲出酝酿咗四年嘅话

“你以前不是说

你吃饭不讲话的吗”

瞬间尴尬嘅笑容

转移到丁真面上

点知丁真又使出必杀技

真诚咁向谢霆锋解释

“老一辈的人会这样说”

谢霆锋嘅笑容马上消失

喺节目上

谢霆锋仲趁机问起

丁真喺《无限超越班》

被曾志伟闹嘅事情

当时丁真因记唔住台词

被曾志伟责问“你几岁啦”

当时丁真回答“23岁”

结果被网友群嘲

呢次丁真终于有机会

借谢霆锋嘅问题讲出真实谂法

原来佢惊冇人回应会冷场

所以先扮傻来回答

//////

最新呢期节目

仲请来了同样真诚嘅向佐

喺《无限超越班》节目度

两人早就认识了

向佐拍电影冇咩水花

冇谂到上真人秀节目后

画风逐渐转向抽象

直播穿女装、表情又搞怪

但呢次上节目

向佐好似被“净化”咗咁

收起玩笑脸

仲袒露咗好多真心话

佢直言娱乐圈人心好复杂

自己见过太多虚伪和算计

所以唔想变得复杂

睇到向佐陷入情绪

喺镜头前喊到停唔到

丁真好真诚咁讲

“那你别混这个圈子了”

直接劝向佐“退圈”

当然，向佐唔会退圈

但佢竟然就咁被治愈

因为佢觉得丁真懂佢

唔少网友被两人嘅互动感染

仲赞向佐颜值有提升

向佐老窦向华强

喺接受采访嘅时候曾直言

捧儿子係佢最大嘅败笔

佢曾为向佐量身定做

电影《封神传奇》

叫李连杰、梁家辉等巨星坐阵

点知票房惨淡收场

但向佐靠住自己整活

终于让自己多次冲上热搜

向华强都表示好欣慰啵

从被嘲 “资源咖” 到靠真诚圈粉

向佐嘅奇特逆袭

丁真嘅 “人间清醒”

都喺《寻真之地》里碰撞出真情

令大家睇到喺复杂嘅娱乐圈

都可以咁样简单又直白嘅相处

你哋睇咗节目未呢？

最钟意边个片段？

靓show开售

潮物推荐

资料来源：微博、剧照、小红书等

网络平台信息综合

编辑：黄译萱

一审：曾敏妍

二审：董华海

三审：骆   苹

【小程序】票巴网

【微信服务号】中国邮政微邮局

【淘宝】羊晚生活馆

都可以买到《可乐生活》

▼▼▼