动画电影《疯狂动物城2》

上映后反响热烈

仅7日就超过21亿票房

刷新咗中国电影史上

进口动画片票房冠军等

多项纪录

电影上映期间

广州掀起“动物城”热浪

各种主题打卡点开始营业

大家睇电影之余

仲有咗潮玩好去处

有《疯狂动物城2》主题快闪店

除咗有限定嘅周边可以购买

仲有实景还原嘅电影名场面

朱迪叉腰站岗

闪电窗口探头

尼克就一如既往姣尸扽督

《疯狂动物城2》

主题cafe以及周边都好吸粉

联名的咖啡杯、杯套、

打包纸袋……

“动物迷”们都热衷收集

现场各种置景、壁画

令人仿佛身处电影场景中

仿真嘅动画城市街道

每个角落都超出片

电影嘅排面做得好到位

唔使入到电影院

珠江新城地铁通道

已经被“动物”包围

电影中嘅名场面

立体感十足嘅海报

沿路一直冲击眼球

越行约心动

想快啲行到电影院睇好戏

各大品牌嘅服饰、首饰

零食、文具等

都同《动物城2》深度联名

行到边都有浓浓“动物味”

有影迷甚至发现

电影中有个场景

好似广州高楼林立

+高架桥嘅景象

广州今次变成真·“动物城”啦

▓▓▓▓▓▓▓▓░░░░努力加载中……

电影上映之后

大家都睇得好开心

唯一令观众觉得有遗憾嘅

係内地冇得睇

粤语配音版嘅《疯狂动物城2》

粤配版再一次请嚟

容祖儿扮演朱迪

黄子华配尼克嘅戏份

9年前佢哋曾经一起

合作《疯狂动物城》

当时组成兔仔&狐狸CP

早已经默契十足

Joey话今次自己对白好多

令佢觉得好兴奋

同时又令佢觉得紧张

係一个好大嘅挑战

而子华神则表示

因为有导演不停指导佢演绎

佢表示一开始好抗拒

觉得导演影响到佢嘅个人发挥

但到后来

佢发现导演好清楚剧情

喺佢嘅指导下

可以更好咁表达到情绪

而佢哋除咗自己负责嘅

男女主角之外

都表示好中意电影里面嘅

“教父一家”

因为佢哋虽然细细粒

但气场大、讲野又够mean

《疯狂动物城2》正在热映

唔知大家追咗未咧

你最中意边个角色啊

靓show开售

潮物推荐

资料来源：微博、剧照、小红书等

网络平台信息综合

编辑：郭   玮

一审：曾敏妍

二审：董华海

三审：骆   苹

【小程序】票巴网

【微信服务号】中国邮政微邮局

【淘宝】羊晚生活馆

都可以买到《可乐生活》

▼▼▼