何依婷拍劇期間意外一擊即中「清遠B」！
.
何依婷有份參演的《金式森林》將於本月13日在翡翠台播出，劇中她演方家長子方學禮（何廣沛飾）的太太鄺善荃，二人的婚姻將會面臨不少考驗，兩公婆與高深（羅子溢飾）的關係亦相當複雜，觀眾切勿錯過！
這部劇集乃是何依婷剛榮升人妻拍攝，即使有親熱戲，她依然表現專業，監製林志華也大讚對方演出不俗，相當投入角色。
據知何依婷在拍攝《金式森林》時發現懷孕，原來這個BB乃是「清遠B」，皆因其老公曾到清遠探班，可謂一擊即中，而且，有花絮片發現何依婷當時望實劇中陳星妤與陳浚霆所擺的生仔風水陣，似乎恨生仔。
何依婷接受tvb.com獨家訪問親證囡囡是「清遠B」，「有次我老公嚟清遠探班，之後就有個神奇嘅生命誕生。」
她直言初時不知自己懷孕，大爆曾痾嘔誤以為腸胃炎，「有次我哋成班開完工一齊去食飯，我食到好飽一路都頂住個胃，返到酒店仲係好唔舒服，去到12點幾開始又痾又嘔，我當時以為自己腸胃炎。」
她再分享當中過程相當辛苦，「 我個胃一向唔太好，所以都會帶定胃藥，點知一食完就嘔，之後我諗住休息下冇事，點知都係又痾又嘔同埋個肚又痛 ，就去食保濟丸，但最後都嘔番出嚟，由12點嘔到凌晨5點，我記得嗰日開工化妝係6點，嘔到成晚冇瞓就去開工。」
何依婷憶述：「食飯有個break同埋月經又遲咗幾日 ，我朋友叫我去驗孕，初頭我覺得唔會有咗， 點知一驗顯示係有咗，一知道呢個消息係緊張忑忐驚喜，因為諗住專心工作冇諗過唔小心搞出人命。」
她直言沒有告知劇組懷孕的消息，「完全無人知， 但一cut機我下意識就會護住個肚。」
何依婷又指懷孕初期身體不適，「醫生要開止暈止嘔藥畀我，嗰時都辛苦 ，因為每日都好暈 ，但好神奇一開工就冇咁暈，可能將專注力放喺工作度，但一收工就作嘔。」
談到監製大爆其不停望實劇中陳星妤和陳浚霆所擺的生仔風水陣，問到她當時是否恨生仔，對此何依婷解釋說：「星妤同浚霆嗰啲戲係喺清遠拍，嗰時我唔知自己有咗 ，只係覺得拍床戲好好笑 ，我只係食花生。」
TVB[超话]
