【明周】聲秀｜布子殷獲冼靖峰成功由頭改造 柯雨霏曾是肥妹潛力股有容貌焦慮
布子殷聯同冼靖峰Archie演繹《時候不早》。
歌唱選秀節目《聲秀》譚耀文組的「靚聲王」布子殷（布子），在昨晚（5日）播出的一集以全新金髮形象登場，聯同冼靖峰（Archie）合唱R&B情歌《時候不早》。排練期間，譚哥親自指導布子如何展現flirty一面，更傳授「欲拒還迎」招數；正式表演時，布子與Archie不單歌聲合拍，動作設計亦由Archie一手包辦，從追求、摸頭、拖手到最後頭貼頭，甜到漏！布子事後大方分享染金髮心情：「嗰日勁興奮，嘩，我終於變咗個人，（Archie）有眼光。」功臣Archie透露答應譚哥邀請時自信滿滿：「放心交俾我，等我可以由頭改造佢！」「Daddy」譚哥亦搞笑認證女婿：「放心將我個女交俾你啦！」
二人甜蜜演繹大受評審好評，最終獲得85分好成績，當中陳奐仁除大讚今次演出外，更笑言：「我建議你拜佢（Archie）為師兄，你唔好放過佢啦。」雷有輝亦讚：「Archie做得好好。」
泳兒組的「高分王」柯雨霏（Ophelia）聯乘《聲夢傳奇2》導師林奕匡Phil攜手演繹情歌《別為我好》，更特意升Key突顯Ophelia高音實力，Ophelia靚高音配以Phil充滿感染力的聲音，二人完美配合，最終獲得82分，獲評審們一致高度評價。電有輝踢爆她說：「其實你應該對自己多啲信心，你個樣又靚，把聲又好聽，但你好似冇乜信心，成日要問住Vincy（泳兒）個樣得唔得。」
「高分王」柯雨霏Ophelia。
對此，Ophelia坦言壓力大兼有容貌焦慮，泳兒聞言即感性分享，指Ophelia曾經是「肥妹仔」，直到來到《聲秀》才首次聽到讚賞的聲音，她向着Ophelia說：「千祈唔好俾對自己外貌嘅唔自信影響你唱歌嘅發輝，你要Focus唔係你個樣、而係你嘅唱歌。」全場聞言即齊齊為Ophelia打氣兼大叫：「你好靚！」令Ophelia感動落淚。
