【On.cc】鍾柔美挑戰演技 傷心爆喊令人動容
「聲夢小花」鍾柔美（Yumi）近日推出新歌《不欠你一個朋友》，有別於以往跳唱的形象，今次走慢板情歌，唱出Gen Z少女「沉錯船」的心聲，到頭來一場空，發現對方是「中央暖爐爐」（對任何女生都一樣好的男生），自作多情心痛過後只好離開。Yumi在MV中挑戰演技，一埸喊戲特寫鏡頭，畫面令人動容，Yumi說：「呢一場我喊咗好多次，完全代入咗首歌入面，好入戲，希望大家都Feel我幾傷心啦。」
今次MV花了15小時走訪7處地點取景，Yumi與男主角有不少甜蜜互動，頭貼頭喝飲品等，其中一幕她華麗變身，穿起晚裝坐在三角鋼琴面前自彈自唱，為此她特意苦練鋼琴：「多謝安排一個咁靚咁優雅嘅三角琴畀我，第一次喺戶外大草地彈琴，感覺好新奇，希望大家會見到我唔同一面啦！」
其實Yumi對今次拍攝期待已久，因為之前天氣不穩，由7月中一直改期，延後足足一個月，幸好拍攝當日天公造美，Yumi提到：「慢歌對我嚟講係一個大挑戰，慢歌唔係自己強項，花咗好多時間錄音，要好好處理情感嘅演繹，好多謝監製小彤好有耐性陪伴住我，我帶住呢份感覺去拍MV，好快就入到戲，希望大家會鍾意我呢個新嘗試。」
鍾柔美喊戲令人動容。
大晒琴技！
好Sweet！
鍾柔美「沉錯船」。
好傷心！
