【明報即時】陳瀅曾被邀參加《女神配對計劃》陳豪指宣萱適合演搞笑戲

陳豪盼《執法者們》開拍續集；馬國明讚陳瀅身形好弗。（劉永銳攝）

馬國明、陳瀅、陳豪和劉佩玥等，昨晚（25日）出席劇集《執法者們》大結局晚宴。馬國明與陳瀅是劇中唯一能開花結果一對，陳瀅希望有機會再與對方合作，偷師拍開槍戲不眨眼，她說：「我第一次拍開槍戲係《飛虎》，記得當時成日眨眼控制唔到，被導演鬧嘥好多子彈，每次拍開槍戲都好有壓力。」

馬國明自嘲只是感官退化反應比較慢，他笑言：「等佢感官開始退化，就可以做到我做到嘅嘢。」陳瀅表示拍開槍戲及性感戲同樣有壓力：「因為拍性感戲驚走光又要減肥節食，係另一種緊張。」陳瀅還獲馬國明讚身形弗爆。

問單身的陳瀅想不想參加《女神配對計劃》？她透露：「初期有討論過我可唔可以參加，因為當時版本女仔年齡比較大，當然最後拍唔成，𠵱家版本都好好睇，我亦都好鍾意睇，加上羅毓儀有份，分辨到佢邊個反應真或假。」

馬國明認為陳瀅參加都好睇，相信有大把男仔報名，但不敢為對方任「花生團」，他說：「我唔識揀，驚揀錯累佢一世。」對於王灝兒（JW）突發聲明與有份投資的茶飲店割席，陳瀅應為每件事都有開始和完結，可能對方想開始新計劃。

陳豪表示劇中拍法庭戲要花點功夫，不過整體上都OK，今次組合成績也不錯，相信還可以撞到很多火花，希望可以開拍續集，今次與宣萱再次合作的感覺良好，他說：「今次劇中嘅宣萱比較少見，佢係友善，對人好好嘅，但佢係執着，有原則，所以仲有好多方面可以發展，只係睇佢肯唔肯放開，因為佢嘅性格好適合演搞笑戲，今次角色要發惡鬧人，對佢嚟講係挑戰，因為我知這唔係我認識中嘅佢，雖然同佢合作過好多次，但今次我要鍾意一個唔鍾意自己嘅人，收唔到反應冇癮。」

（即時娛樂）