三屆視帝郭晉安認離巢無綫 拒透露原因.無綫繼續爆離巢潮，不斷有資深藝人離巢，繼昨日羅蘭消失於演藝員名單後，今日更連三屆視帝郭晉安都同樣消失不見，似乎已低調結束與無綫嘅多年合作關係。對於是否離巢以及網民戥佢可惜，擔心睇唔到佢衝4屆視帝一事，郭晉安接受東網回應表示：「多謝大家關心，明白大家可惜嘅原因！做咗咁多年嘅藝人，我認為最開心最幸福嘅就係有得選擇，每條路都可以由自己去決定係最好不過！希望會喺更多嘅頻道同大家見面！」至於離巢後係咪主力打理生意，郭晉安透露：「又唔會主力去做一樣嘢嘅！有劇集搵我演出我都會去考慮演出。」而被問到之後有咩計劃打算時，郭晉安則神秘表示時機到自然會同大家分享，但問到離巢原因則僅表示：「原因唔講啦，大家估吓啦」。TVB郭晋安承认离巢
