《中年好聲音4》「快慢二重奏」賽制曝光 20強組隊合唱 慢歌對決本周日打頭陣.《中年好聲音4》本周日（26號）晚8點翡翠台播出全新回合「快慢二重奏」，20強選手將根據上回成績，分別揀選一首慢歌同埋一首快歌進行合唱對決。

今個回合分為兩集，第一集先上演慢歌對唱，十隊組合根據上回合兩位成員嘅總分數排名，由高分五隊對戰低分五隊。第二集就會合唱快歌，按慢歌分數重新排名，進行五輪快歌對決。每輪對決完，評審會喺勝出嘅一隊入面揀選一位選手奪得晉級襟章，每位選手只可以獲得一次。換句話講，如果該隊喺慢歌同快歌都贏出，就可以雙雙晉級。十輪比賽結束後，評審會喺冇襟章嘅選手中淘汰兩人。TVB