陳瀅蔡潔澳門開騷在即 陳瀅食物中毒頂硬上 蔡潔瑞士遠程練歌.陳瀅同蔡潔將於4月25日赴澳門舉辦限定現場演出《Pillow Talk》，日前兩人到Band房綵排。陳瀅話心情複雜，又緊張又興奮：「真係感覺到個騷嚟喇，但又好似想再有多啲時間排就好。」佢仲透露綵排前食物中毒，差啲去唔到，但一到Band房聽到live band即刻投入返。

蔡潔就話，四月頭一早計劃去瑞士，後來知道要做騷，心情忐忑，好在所有嘢處理好先安心出發。佢喺歐洲期間不停練歌記歌詞、諗騷嘅細節，雖然少咗時間同陳瀅相處，但唔擔心默契。蔡潔仲話今次係佢人生第一次正式夾live band綵排，同之前唱K感覺好唔同，希望到時大家滿意佢哋嘅演出。TVB